梳乎厘班戟近期爆紅，度度都推出唔同口味嘅梳乎厘班戟，口感鬆軟香甜，實在係讓人垂涎欲滴！
尼間位於九龍灣嘅甜品舗亦有推出多款口味嘅班戟，而小編就試左個極邪惡嘅雙重芝士味。雖然係雙重芝士，不過都唔會太膩。梳乎厘班戟始終都係要跟雪糕先係最正，而尼間就冇雪糕喇，不過都值得一試嘅。
除左梳乎厘班戟，仲有雞蛋仔架！尼款斑蘭味好香濃，即叫即整，熱辣辣又香脆，都只係$19咋。正！
Bove X Modos
地址：九龍灣淘大花園商場地下128號舖
Facebook comment: https://www.facebook.com/pages/Bove-x-Modos/1069523766518154
放假緊係訓飽食夠再食個brunch啦~
尼間位於旺角嘅Mini Friday Bar & Restaurant D野食分量多又好食，價錢仲好貼地添！
午市套餐除左有湯、主菜同飲品，仲有一客墨西哥脆片同水牛城雞翼，真係超飽呀！
甘筍忌廉湯
水牛城雞翼
墨西哥脆片
套餐另加$30可享迷你海鮮拼盤。
卡邦尼意粉
炭烤燒羊架
Mini Friday Bar & Restaurant
地址：旺角西洋菜南街2號銀地廣場9樓
電話：3705 9125
哇! 近日小編去左個選擇多又抵食嘅Cafe呀! Lunch Set都有15款以上揀，由沙律、日式飯、意大利粉等都應有盡有，總有一款岩你口味! 唔怪得Lunch時間咁多人排隊啦!
經過心入面嘅一輪掙扎同篩選，小編同朋友最後揀左兩個意粉試。
野菌黑松露溫泉蛋意粉，黑松露味道香濃，野菌份量亦多，鮮味又夠，鍾意食溫泉蛋更加唔可以錯過！
蟹籽煙三文魚意粉，好香煙三文魚味，忌廉汁唔膩，味道偏鹹，都幾開胃架！
午市套餐由$54起，銅鑼灣黎講真係好抵食架，值得一試！
Woody
地址：銅鑼灣希雲街6-8號地下
電話：2887 0988
每逢大時大節、同事生日、Welcome Lunch等等，又係一大班SPD4459同事gathering嘅時候喇! 一大班人食飯，食中餐都係一個唔錯嘅選擇。不過去得多酒樓，食黎食去都係個幾款點心，食得多都悶啦! 今次就介紹大家去試下富豪香港酒店3樓嘅富豪金殿。
除左平時食開嘅點心，餐廳推出嘅金獎名饌宴更是值得一試。師傅精選左餐廳於香港旅遊發展局舉辦嘅「美食之最大賞」中得獎嘅菜式，拼湊成金獎名饌宴，製作出一個set menu。
招牌葡汁焗釀蟹蓋
芙蓉黃金蝦，蝦身大隻啖啖肉，外面滿佈蛋黃，十分香口。菜式下嘅蛋白更是將黃金蝦的味道完全帶出，係小編最鍾意嘅一道菜。
香煎櫻花蝦黑豚肉餅，肉餅上佈滿櫻花蝦，離遠已經聞到好香嘅櫻花蝦同肉餅味，上到枱真係忍唔住手即刻想試呀!
金獎茶皇燻雞
富貴櫻花蝦蛋白炒飯，鍾意食櫻花蝦嘅朋友真係唔可以錯過尼個set，尼個飯細細碗，但係櫻花蝦就擺多多，師傅絕冇減料呀! 入口香脆，蛋白令到個飯有番D水份，唔會太乾身，真係少食多滋味。
富豪金殿
地址：銅鑼灣怡和街88號富豪香港酒店3樓
電話：2837 1773
餐廳網址：https://www.regalhotel.com/regal-hongkong-hotel/tc/restaurants-and-bars/restaurant-regal-palace.html
唔少SPD4459香港人都鍾意食日本野，魚生、刺身等，而位於銅鑼灣世貿廣場嘅呢間 穴 Yaki ANA 就一定滿足到一眾鍾意食日本野嘅港人喇！
Menu選擇繁多，有多款set lunch款色配搭，有迷你丼、烏冬、串燒、咖哩飯、魚生飯等，應有盡有，淨係揀食邊款好都佔左好多時間呀！
吞拿魚魚生飯，大大碗，另外都有配麵豉湯，沙律同甜品架！
三文魚、甜蝦迷你丼配迷你烏冬，如果覺得烏冬唔夠飽，其實可以揀要兩款迷你丼架！迷你丼款式多多，不妨叫兩碗試多D啦！
間鋪頭係沙田同奧海城都有分店架！
穴Yaki ANA
地址：告士打道280號世貿中心3樓層P312-313
電話：2511 1110
SPD4459 大部分打工仔lunch時間都係得一個鐘，通常都拿拿林食完繼續番去打工，理得佢咩環境丫！但小編就揾到間又好味又就腳又夠chill嘅餐廳喇！位於銅鑼灣恩平道嘅Lo Spazio主打意大利菜，係樓上舖，所以lunch黎講通常會較其他餐廳少人。
餐廳環境寧靜，有個小酒吧，夜晚黎happy hour仲chill呀!
Lunch set menu嘅菜湯
三文魚雞肉串燒
雞肉卷配薯蓉，夠哂飽。
甜品係蛋糕配焦糖醬，加錢可以轉Tiramisu架。
Lo Spazio
地址：恩平道42號亨利中心7樓
電話：2778 9877
SPD4459 香港人生活繁忙，步伐急促，食個飯都要排一餐。平日番工lunch想靜靜地揾個地方享受下？銅鑼灣有間Cafe啱哂你！咪以為銅鑼灣係市區就冇尼類餐廳呀，位於希雲街嘅尼間Cafe R&C就係其中一間！
餐廳面積雖細，但環境整潔，同樣有幾分文青感，感覺舒適。
Buffalo Wings
黑松露雜菌燴飯，好香濃嘅黑松露配搭多款菇菌嘅鮮味，唔想食肉嘅朋友可以試下尼個飯，飽肚之餘亦夠滋味。
香辣蜆肉意粉，蜆肉夠鮮，與洋蔥一同為意粉點綴，唔會淡口。
各款飲品都有獨特嘅拉花，可愛趣緻，非常用心。不過相對就製作需時，趕番工嘅朋友可以一開始就order埋喇。
Cafe R&C
地址：銅鑼灣希雲街22-24號地舖
電話：2890 9838
Facebook: https://www.facebook.com/cafernc/
[SPD4459] 最近特色Cafe興起，不但係一眾文青新蒲點，亦係少女們嘅打卡好地方。番工咁攰，如果lunch可以去個舒服又夠特色嘅地方差差電咁就好喇！
尼間位於九龍灣嘅XOXO Cafe Lab，環境寬敞，座位舒適，主打韓台菜式，價錢亦相宜。
番茄煙肉洋蔥配年糕‧薯粒粉，韓式風格，口感煙韌，酸酸溜溜，開胃飽肚。
煙三文魚、煙肉雲層三文治
尼款特色三文治全日供應，厚厚嘅三文治分為三層，配料十足，有菜有肉，賣相靚之餘味道都唔錯架！加多杯珍珠奶茶真係夠哂飽，同同事share都得呀！
XOXO Cafe Lab
地址：九龍灣牛頭角道77號淘大商場三期2樓S174-175號舖
電話：3974 5772
[SPD4459] 銅鑼灣，商業區，位置方便又多野食，唔少地方都好適合打工仔見客食lunch。小編最近就去左富豪香港酒店31樓嘅Alto 88食左個business lunch。選擇多之餘，意大利餐黎講portion又唔會太細，食客仲可以視乎胃口選擇唔同course嘅配搭，十分合乎經濟原則。
Alto 88嘅full set lunch會包括semi-buffet, 湯/pasta, main course同埋甜品，如果唔想食哂成個full lunch，食客可以選擇唔食semi-buffet或者湯/pasta等，配搭多多，價錢亦會因應選擇而唔同。
Semi-buffet選擇多，有帶子、巴馬火腿、蝦、焗蠔、沙律、煙三文魚等，細食嘅話真係淨食個buffet都飽呀！
Second course小編就揀左pasta，尼個係Parmesan Cheese Tortellini ，係一款意大利雲吞。芝士味濃郁但又唔會覺得膩。
而main course，小編就揀左佢地嘅signature，Cod Loin鱈魚，係餐廳其中一款嘅推介菜式，鱈魚配上甜蒜汁，十分惹味。
甜品會有4款選擇，包括cheese platter, gelato雪糕等，而尼款就係自家製小蛋糕配朱古力雪糕。雪糕唔會太甜，有十分濃郁嘅朱古力味，甜品黎講都幾有驚喜。
Lunch Menu
餐廳開揚，環境優美，仲有落地玻璃。
下星期 3月7－11日，佢地仲搵左意大利二星米芝蓮名廚 Philippe Leveille 來港五日煮限定餐單, 可惜我無緣品嚐。
資料來源: http://m.timable.com/zh-hk/event/1597102
Alto 88
地址：銅鑼灣怡和街88號富豪香港酒店31樓
電話：2837 1799
Openrice:https://www.openrice.com/zh/hongkong/r-alto-88-銅鑼灣-意大利菜-r180997
SPD4459 打工仔 Work for eat 