SPD4459 晉寶章 大同刀削面

想出走香港但年假又想留待用作旅行
最好的選擇莫過於北上了吧
中午輕鬆過關後，乘巴士前往南海大道看見一間大同刀削面
因為本身很鍾情於中菜，因此亳不猶豫便走進去了

source: 大眾點評網

 

店內播放一後關於該店的介紹短片
原來此店在北京已經開設了十間分店

SPD4459 – 打工仔深圳遊必飲 の 喜茶 HEYTEA

話咁快又過左一星期，終於到weekend，打工仔又有時間返深圳玩啦。

有一間好出名既飲品店，好多人都話返深圳必飲，但係因為太多人排隊，所以想飲都未必飲到 >V<

呢個必飲ITEM，就係喜茶 ❤

全景拍攝呢張係位於金光華分店，到達時間係大約下午3點，人龍長到排半個鐘都未排到去買。

而呢一張就攝於海岸城分店，時間係晚上接近9點，依然要排隊排出門口，冇等返一頭半個鐘都唔洗指意有得飲，可見呢間舖係幾咁受大家熱愛!!!

差唔多排到既時候就不妨睇定想飲咩，如果去到收銀位先睇同揀野飲就唔係幾好意思啦～

介紹返先啦，其實喜茶最出名係芝士奶蓋同水果茶。

但因為個芝士奶蓋真係好好飲，有好濃厚既芝士味，所以接住落黎都係圍繞住芝士奶蓋架 😛

正因為芝士奶蓋係佢地既Best Seller，所以有埋instructions教大家揀最岩自己的芝士奶蓋 🙂

買完等緊野飲，睇睇裝修先啦，都幾靚架 😀

欣賞完繼續等啦，真係整好呢個野會通知你架啦 😀

終於響啦，店員好用心咁同大家pack好一支支既飲品，真係做到冇停手架。

好啦！終於都有得飲啦！

不過留意返，其實唔SUPPOSE用飲管飲架，所以呢2條飲管只係用黎影相架咋 >V<

正確既飲法就係好似杯上面隻公仔咁，拎住杯奶蓋45度角咁放入口，然後你就會同時感受到好滑既芝士同清幽既茶香味架啦 ❤

特別節日仲會有靚靚包裝，超可愛！！！

相就睇完啦，大家下次返深圳記得去喜茶飲芝士奶蓋 😀

最後補返條store location link (HEYTEA – STORE)比大家，其實深圳有18間分店咁多，所以大家可以根據自己既放假路線，去方便自己的喜茶分店。

 

 

 

 

SPD4459 深圳一日遊 の 正餐篇 – 桂小廚

終於黎到第3篇深圳遊記，點少得介紹正餐比大家呢 😛

今次推介的是廣西菜餐廳，叫做桂小廚，位於大名鼎鼎既金光華廣場6/F

介紹得比大家當然唔係浪得虛名，如圖所示，等位係必須架，所以大家最好預早少少黎拎位 🙂

等緊位既時候大家隨左睇定menu、打機傾計之外，都可以去門前拎小食食架，任fill唔嬲 >V<

呢個就係menu啦，設計得幾靚架 ❤

呢個就係餐廳既環境，真係好岩同屋企人或者朋友gathering架 😀

入到餐廳，一班廚師會係你面前預備食物，非常吸引眼球！

終於黎到戲肉啦，第一味係螺絲粉，超抵食，一碗都係31蚊咋！同埋我最鍾意食酸酸辣辣既面架啦 😛

呢一味係一個綜合拼盤黎，有豬手阿，燻蹄等等，最岩鍾意食冷盤既人~

接住落黎係石磨手工黑豆腐湯！係咪我見識少？平時真係好少係出面食到黑豆腐！呢個真係好香豆味！同埋湯都好好飲 😀

呢個係冬天暖身推介，羅白黑胡椒煲羊肉！！！羊肉做得好好完全無騷味，更重要係個胡椒湯！！好香係又唔係好辣胡椒味，我依家都好想再食!!!!!

呢個叫做咸蛋黃金瓜，賣點梗係個咸蛋，咸香味真係好難抵擋呀 :3

呢個係養生之選，金錢草黑豬湯，唔係比普通豬你，好用心制作~

黎到壓軸環節，梗係要食重量級食物！

呢個叫做壯家簸箕宴，由7份食物組成一套，夠飽肚之餘，仲好有打卡價值，因為香港真係食唔到 =v="

介紹一下食物啦，有冷盤沙律菜同拌雲耳，跟住有碟燒雞同一碟一品雞，一品雞超滑超有雞味，記得食多2件 😛

之後有份桂花蜜烤排骨，即係我地既叉燒，味道係好既，但肉既位置同香港既有點唔同，一係肥肥位一係骨位，睇下大家鍾意食邊個部份啦 😀

最後就係甜品啦，有2味，一味係流心包，記得趁熱食，如果唔係凍左就冇咁流心架啦！另一味係糉，但呢個唔係普通糉，係用黑糯米，甜甜地又飽肚，好別致！

終於埋單啦！5個人食總數500蚊人仔都有找，圍返都係百鬆D蚊港紙食到咁多野！！！

仲洗諗既？下次就約班FD上黎食飯啦~

 

SPD4459 深圳遊打卡推介 – Lady 7 cafe

近年深圳開左好多間好靚好岩打卡同埋相機食先既餐廳，今次介紹既Lady 7 cafe就係其中之一！

呢間Lady 7位於深圳歡樂海岸，過關後搭地鐵9號線，係深圳灣公園站落車即可到達，非常方便。

睇下大門口張相，環境真係好靚好舒服，真係未入去食就咁到此一遊都抵啦！

大家都係打工仔，梗係冇咁多筆直樣樣試晒佢。所以黎到Lady 7，最抵既叫法係每類食物都叫一款，然後同朋友share~

首先整個千層蛋糕先啦，賣相真係唔錯，呢個係Lady 7 Hot item之一，大家下次黎不妨試食下 >V<

好啦，跟住我地叫左份薯條食。呢個就正常，冇乜特別，只係我地唔想全甜品可以有D咸野落口姐 😛

重頭戲黎啦！！！係鴨仔厚多士❤❤❤

呢一款係切好左一件件既，有Ｄ款係成磚厚多士上既，不過見呢款咁方便就order左呢隻啦，都幾吸引胃同眼球呀☺

最後飲品當然唔少得啦！

我地保持住一貫的作風，每類都要試下！

所以各叫左一杯Blueberry SODA同埋近期大熱既芝士奶蓋！

芝士奶蓋好味！不能錯過～

以上就係小小既下午茶，人均消費約60蚊人仔，打工仔間中過黎輕鬆下絕對係抵玩既選擇✈

SPD4459 平玩深圳一日遊

[SPD4459] 香港人咁多，但又唔係時時都搶到平機票去旅行，作為基層打工仔，北上深圳一日遊放鬆下不失為一個好選擇 😄

今次介紹一個好玩抵食既一人火鍋俾大家👍

呢間陳鋼串串香位於中心城，經羅湖或者福田過關後，搭地鐵去到會展中心站即可到達！

到底呢個串串香係咩名堂？其實大家都唔會太陌生既～迴轉壽司大家就食得多，今次就變成火鍋配料，鍾意食乜就拎黎煮，最後按竹籤收費就得😃

收費都好簡單，揀個湯底三蚊，醬汁另加三蚊，之後就按竹籤收費。每個位前面都有寫唔同顏色既竹籤收費，最平既只係一蚊，最貴既都係五蚊，想食牛羊就加八蚊，完全可以因住自己荷包揀野食 😍😍😍

上張相係泡菜湯底，而白色呢個係藥膳湯底，特登叫比媽媽食既！

唔講咁多！去相睇下我地食左D乜啦😎

就係咁就完左我地既下午茶！係時候埋單啦！拎個竹籤筒黎睇下先 😁

一個我既，一個媽媽既。嘩！2人加埋都只係52蚊咋！！！真係抵到爛！香港食餐飯都唔止啦😂😂😂

其實深圳仲有好多抵食推介！下次再同大家介紹。