梳乎厘班戟近期爆紅，度度都推出唔同口味嘅梳乎厘班戟，口感鬆軟香甜，實在係讓人垂涎欲滴！
尼間位於九龍灣嘅甜品舗亦有推出多款口味嘅班戟，而小編就試左個極邪惡嘅雙重芝士味。雖然係雙重芝士，不過都唔會太膩。梳乎厘班戟始終都係要跟雪糕先係最正，而尼間就冇雪糕喇，不過都值得一試嘅。
除左梳乎厘班戟，仲有雞蛋仔架！尼款斑蘭味好香濃，即叫即整，熱辣辣又香脆，都只係$19咋。正！
Bove X Modos
地址：九龍灣淘大花園商場地下128號舖
Facebook comment: https://www.facebook.com/pages/Bove-x-Modos/1069523766518154
前陣子，SPD4459成日都見到有人係 FB、IG曬「星加坡鹹蛋魚皮」有幾好食，所以小編決定一嚐究竟！經歷千辛萬苦、左托右托，花費110個大洋，終於成功到手！
打開包裝，已經被飄來的陣陣鹹蛋黃的鹹香味深深吸引，小編急不及待伸出魔爪，拿出一塊魚皮…
大大塊魚皮，外包一層金黃色鹹蛋黃粉，令人垂涎欲滴，一啖咬下去，魚皮鬆脆香口，比打邊爐食的較為脆身，而外層的鹹蛋黃粉入口即溶，鹹香既味道為脆皮魚皮增添畫龍點睛的效果… 喜歡食鹹蛋黃既朋友必定愛上。
值得留意係由於魚皮本身唔可以存放太耐，空氣中既水份會讓魚皮變淋，建議買到後盡快食完。
每當有公司拍檔來探訪，我地呢班SPD4459打工仔就會有食神，可以品嘗各式各樣的小食、零食！今日，又有一盒係來自台灣的日式糕餅品牌 「御倉屋」的お土産（おみやげ）。
日本包裝講求精緻，「御倉屋」亦不惶多讓，首先係布質料包裝袋，靚靜鮮紅色配可愛猫猫公仔！攞出街無得輸！
包裝袋內當然嘅包裝盒極富日本色彩，粉紅色櫻花配以兩個好 fancy 嘅貓貓圖案，少女心當堂爆發！
打開盒蓋，內有兩層，餅乾種類及口味都非常多花款，例如普通嘅朱古力曲奇、藍莓醬曲奇、咖啡味曲奇等等，而無糖寒天黑豆曲奇及鹽燒魚卷兩種就最有趣！當中最好食係抹茶黑芝麻曲奇，抺茶夠香且濃，但不太苦，喜歡抺茶嘅朋友可以試試！
可能係主打可愛甜蜜，所以呢個品牌係台灣同 Hello Kitty Crossover 推出喜餅系列！非常可愛！如果走粉紅可愛風嘅朋友，可以考慮！
香港暫時只有 ISABELLE 有得訂購！
香港訂購網址：http://www.isabelle.com.hk/
官方網址：http://www.okuraya.com.tw/
台灣 Facebook : https://www.facebook.com/okuraya/
睇完戲12點幾觀塘有咩食?!
往觀塘街市方向覓食, 發現新開左一個米芝蓮街頭小食店-十八座狗仔粉。
呢個名聽就聽得多，但食就第一次。成日聽人話狗仔粉、狗仔粉，完全諗唔到係咩，仲要話好好食香港人必食。
咁有緣相見，一於去會一會佢。
人生五味，有人嗜甜、有人喜酸，而作為SPD4459打工仔同埋理大學生的小編則愛辣！辣，是一種感覺，由嘴唇開始，經過舌頭直達胃部，然一熱氣從胃直衝上頭頂…一個字：爽！
今日，就為大家尋找世界各地辣辣零食，為平凡的打工日子加添刺激感！
NO.1: 激辣魔薯－地獄辣(日本)
激辣程度：★★★★★ (五星滿分)
日本激辣魔薯出左唔少味度薯片，當中有普通香辣、香辣芝士、BBQ味等，但最近係759見到呢款地獄辣，忍唔住試試！試食發現，名符其實超級辣，薯片本身辣中帶咸，味道唔錯！但食左兩片就條脷開始痛、頭開始發麻，之後仲火燒胃！要去到飲牛奶解辣，值得推薦！
NO.2: 勁辣雞肉杏仁（韓國）
激辣程度：★★★★☆
之前韓國蜂蜜杏仁大行其道，之後陸陸續續推出wasabi、益力多味杏仁。某日係惠康見到呢款勁辦杏仁，都想試試有咩分別！杏仁香口，辣味非常夠，開始食兩粒就會脷痛、流眼水，還好越食越唔覺辣，習慣左就完全無問題，食到停唔到口！
NO.3: 麻辣花生（香港）
激辣程度：★★☆☆☆
如果喜歡食四川麻辣嘅朋友，呢款花生啱哂你！759自家出食品，有少少咸香，花生一粒粒好好𡁻，呢種辣味似四川麻辣味，但唔算太重，食完無咩激辣反應！
NO.4: Yamayoshi山芳辣雞味薯片（日本）
激辣程度：★☆☆☆☆
呢個牌子應該唔少人都知，佢隻牛油味薯片都幾出名！所以見佢出左其他味嘅薯片，當然要食！不過，食落無咩驚喜，一句講哂，似熱浪薯片！
NO.5: Flamin Hot薯條（美國）
激辣程度：★☆☆☆☆
係時候又試下啲外國牌子！原本我係想試佢有隻黑色包裝薯條，聽聞堅辣！可惜超級市場無得賣，唯有脆脆地食住呢隻黃色包裝！果然，唔算辣，辣變成調味！不過美國啲薯條相比香港真係實啲，無咁脆！
NO.6: Jack Pots Sweet Thai Chilli（英國）
激辣程度：★☆☆☆☆
呢隻牌子成日係超市見到，佢有五顏六色不同味道嘅包裝，好似海鹽醋味、燒肉味等等！今次試嘅甜辣味道，真心講句：唔啱食！首先，味道淡，辣同甜嘅味道都唔夠。再來是薯片是硬同埋非常油膩，唔算好食！
以上係今次同大家分享嘅辣辣零食！全部係759或者超市都有售！有無邊款你食過，又或者有好介紹，歡迎留言！下次我都會挑戰下！
[SPD4459] 臨近新年，香港打工仔其中一個節目係「行年宵」，無論港九新界，總有一個年宵係你左近。
今日率先帶大家去最大既年宵市場 ── 銅鑼灣維園 搵食。
首先，一行入年宵第一眼就已經見到一啲懷舊小食：龍鬚糖、香蕉糕、砵仔糕等等。
連我都忍唔住買左個糖葱餅食，甜甜地，記憶中既味度！
咁多種年宵小食最經典既莫過於糯米滋同埋烤魷魚，非常惹味！
然而，最意想不到會係年宵出現既食品，芝士餅 (係一餅餅既芝士餅，唔係芝士批喎)？粟米？
聽聞芝士餅係DO姐介紹過，而粟米就係有機粟…係有啲綽頭，但係好似同年宵唔係好搭囉！
之後當然唔少得重頭戲，熟食！
第一個必講既海鮮，即燒扇貝、鮑魚、蟹棒，yummy~~~
仲有其他一系列香噴噴既熟食，有一啲日式、台式小食，包括雞包翅飯、玉子燒、串燒等等！
最後有勁香既臭豆腐包尾，檔口縮係一邊，但依然唔少人幫襯！
最後，我打包左 $20/8個 傳統酥，有7種味，帶返去比屋企人試下都唔錯！
總括而言，今年年宵既嘢食選擇唔少，睇落都幾好食！但價錢稍貴，係似 $50/包 烤魷魚、$30/杯 蘭香子飲品等等！同埋，除左熟食檔賣既樽裝汽水同埋蔗汁外，就只有一兩個小檔口賣飲品，相對食品，飲品選擇小左啲！
今年年宵到下星期四年三十為止！想去既打工仔要襯早！
[SPD4459] 新一年又到，公司陸陸續續收到唔少由partners、客戶送來的禮盒…
今日，就同各位打工仔分享下，比一眾要頭痕諗送禮既SALES、秘書姐姐們一啲唔失禮又價錢合理既Idea。
顧名思義專賣曲奇，香港名牌，推出不同 口味，包括︰藍龍蝦曲奇、熱情果芒果曲奇、蕃茄曲奇等等
而我地收到既禮盒裝就滿口”肉”味︰煙燻火腿 、黑椒巴馬臣芝士、金鑽松露、鯷魚四款。當中最受歡迎莫過於 黑椒巴馬臣芝士，滿口香辣黑椒味加上芝士香，帶來一點新刺激。
聽聞師傅係香港五星酒店既餅房同甜品工坊做左幾十年，手藝尚可…
[SPD4459] 香港打工仔每日返工，最難捱既時間往往係下午三點三，雖然lunch過左2粒鐘，但距離放工仲有2粒鐘，百無聊賴，就會癮唔住伸手去櫃筒(或者隔鄰位嗰位)搵零食…
零食，成為了香港打工仔的精神支柱。
為左係一個充滿壓力的工作環境下，尋求一絲慰藉，我地每個星期都會同大家傾下啲有啲咩新奇好玩而有好味既特色小食、零食…
首先，打向頭炮係三款熟口熟面既日本零食，對於80至90後既你一定唔陌生。
SPD4459 打工仔 Work for eat 