SPD4459 打工仔 Work for eat

SPD4459 漢堡店之溏心風暴

2018-04-042018-04-03 由angus1125撰寫, posted in 出街搵食

SPD4459 漢堡店之溏心風暴

比麥當奴更早在香港屹立的漢堡店「時新快餐店」舊年突然宣佈暫停營業，我地SPD 4459非常之失望……到最後會唔會好似譚仔咁分開，或者變成香港人嘅集體回憶呢？我地預計唔到

我地發現時新終於回歸啦~但個名就轉咗叫「時新漢堡包」，我地成班SPD 4459即刻尖叫！尖叫！尖叫！(因為開心，所以尖叫) 起嚟丫，但個個都唔得閒，由我做代表即刻飛搏去睇下第一日會係點先~

究竟「時新漢堡包」嘅新容貌係點呢？我地一齊去睇下

第一日已經排晒隊 (距離關門時間仲有半個鐘^O^)

唔好以為條隊短好快有得食，睇下……仲要等成30個先到我 -_-…，(提外話：其實咁食法都唔平，不過支持下小店，無所謂啦~)

其實坐位比以前多&舒服，而且食物款式都比以前多 (我食到最後嗰時影嘅~)

主打當然係個包啦~無變過，都係咁好食，而其餘2款小食就普通

黑人問號？？？其實好多小食店都有嘅問題，隻雞脾點先可以炸到唔出血呢？(由細食到大都有嘅問題)希望有待改進

估唔到佢地都算貼地，有開到Facebook，如果有開埋IG就very good la~大家快D去like佢個Facebook

值得一讚：個Facebook management 做得非常好！！！保持良好的態度，十分樂意接受意見！

我地讀過marketing嘅SPD 4459嚟講，今時今日一間老食店已經唔可以只係標榜佢係傳統食店，最重要嘅都係core嗰部分──食物

祝願時新日日好生意~

時新漢堡包
地址：G/F, 1A Whampoa Street, Hung Hom, Hong Kong
Facebook：https://www.facebook.com/sisunhamburger/

SPD4459打工仔澳門美食遊

2018-04-022018-03-30 由cwclottie撰寫, posted in 出街搵食、澳門飲食

難得放假，又心絲絲想去搵野食。於是打工仔坐言起行，去左澳門開展美食之旅!

繼續閱讀 “SPD4459打工仔澳門美食遊" →

SPD4459 適合大小朋友的放題火鍋樂園－牛涮鍋

2018-03-312018-03-30 由smallpotatofooddiary撰寫, posted in 出街搵食

復活節，是耶穌復活的日子，亦是SPD4459一眾打工仔嘅復活日。
慢長的工作就是為了一刻鐘的享受！
今日，小編就介紹一間好適合一家大小、朋友聚餐的人氣日式火鍋放題店「牛涮鍋」Mou Mou Club。「牛涮鍋」源自日本東京，主打和牛及澳美進口牛肉，並且提供日本涮涮鍋（しゃぶしゃぶ）及壽喜燒（すき焼き）的烹調方法，讓客人自選食物。

這次小編與朋友去的就是位於旺角新世紀廣場，晚上6:45開始等，到了7:45終於入坐。
成間舖頭以旅行作主題，一入門口，就見到好可愛嘅代言牛牛mou mou君同埋佢嘅朋友。

SPD4459_牛涮鍋_1

每張枱與枱中間都有像行李箱概間板，整間舖頭嘅裝修顏色豐富，整體格局好有小朋友樂園的感覺，令食客覺得好開心！

之於套餐方面，根㯫肉類多少有不同定價，同時亦顧及素食人士提供蔬菜套餐。
今次小編就點了US特上牛放題，$198／位，套餐包括美國進口牛，亦有豬肉及月大土肉。
湯底方面就有昆布、泡菜、鰹魚、蕃茄、豬骨、甜醬六款選擇，甜醬就是為了仿照壽喜燒。值得一讚的是就算小編只有2個人，都可以變得鴛鴦鍋，所以就點了鰹魚跟豬骨兩款。

由於火鍋時間只有90分鐘，所以係等湯底到來期間，梗係出去攞住其他嘢食先啦！佢地蔬果、腸仔、麵食、甜品種類超多元化，仲有一些特別食物，好似南瓜年糕、炸魚蛋、雪耳等。就算丸都有近十款，反觀蔬菜不算太多。飲品就有汽水跟果汁，仲有果汁蘇打教學，比起其他舖頭的款類有過之而無不及，難怪門口永遠大排長龍！

這個slideshow需要JavaScript。

湯底終於上場啦！不要怪小編拍照技術差，太多泡泡同蒸氣…湯底食落不錯，個人覺得鰹魚湯底偏咸但清爽，而豬骨湯底穩打穩紥，無得輸！

SPD4459_牛涮鍋_11

肉類外觀都非當新鮮，肥瘦適中，食完一碟再一碟，正！

SPD4459_牛涮鍋_12

SPD4459_牛涮鍋_13

最後當然去雪糕櫃攞雪糕食，紫薯、牛奶味任君選擇，佢地仲有不同配類跟杯裝同筒裝比你自己DIY！

總括而言，「牛涮鍋」相比其他如牛陣等火鍋店，多了一種歡樂，食物總類亦比較多同貼心！

電話：3184 0384
地址：旺角新世紀廣場4樓423號鋪
網址：http://moumouclub.com/
Facebook：https://www.facebook.com/MouMouClub/

SPD4459 素食名店功德林 VS 人氣私房菜貴德宮

2018-03-292018-03-29 由smallpotatofooddiary撰寫, posted in 瘦身靚湯/美食、出街搵食

SPD4459打工仔成日同朋友出街都係食日本菜、韓國菜… 悶到呢～有時都想食啲其他嘢！
呢兩個月不約而同去左兩間位於銅鑼灣及灣仔既素食中菜館，「功德林」及「貴德宮」。

相信唔少人都聽過「功德林」呢個名，作為一間老字號嘅上海品牌，佢都可算是素食鼻祖！先講環境，一般的酒樓格局，但如果你有4位親友以上，可以選擇窗邊位置，從世貿中心25樓遠眺，精神為之一振！

打開餐牌，就知道佢地主打「好味」，所有餸菜偏平實，羅漢齋、麻婆豆腐、上海粗炒等等… 今次我地兩個人叫左三味菜：雞絲粉皮、津白炒年糕、脆皮素鵝。

首先係雞絲粉皮，佢地用嘅粉皮比其他舖頭幼細及晶瑩剔透，而醬料方面除左一般芝麻醬，亦有混合花生醬，咸甜適中，值得一讚！而素鵝則沒有甚麼特別，金黃色嘅外皮包裹住冬菇粒、菜脯粒、蘿蔔粒等等，味道不俗！上海年糕就汁多糕薄，每塊年糕厚度均勻，不會太油膩。一餐下來，感覺不錯，素菜實而不華，帶有傳統的美味！

至於「貴德宮」就主打創意素食，老板馮太係一位素食專家，成日上報紙講有關素食新配搭。講得上私房菜，菜單當然由老板決定！今次品嚐的名副其實「素宴」，一餐連甜品10味菜，包括︰海珊瑚千色拼盤、京醬玉瓜酥伴角包、芝士焗日本米餅、咖喱配法包、香煎年藕餅…等等！

係上菜之前，先飲啖薰衣草茶先，聞起上來幾香，用來放鬆心情準備享用晚餐…
SPD4459_貴德宮_11

作為前菜的海珊瑚千色拼盤，可算係眾多味餸菜中最有特色的素食，由皮蛋、粉皮、壽司組成，當中滷水豬肉仿真度極高，味道清爽開胃，唔錯！

京醬玉瓜酥伴角包就仿照北京填鴨，大大個包夾啲素肉。

反觀米餅就有少少hea，味道酸酸甜甜，日本米餅搭一片蕃茄加上芝士然後焗，好似自己係屋企都可以整到，雖然特別但唔值囉！

咖喱就有香濃黃咖喱味，唔辣，個人覺得配飯好過配法包！

SPD4459_貴德宮_4

最後甜品為桂花糕同杏仁露，尚算OK！總觀所有食物，太多利用豆類製品，腐皮、枝竹作為主菜佔了兩三味，令到整個晚餐有點沉悶，埋單每人HKD260，有點華而不實！而且佢地上菜主要都會係食完一樣才上另一樣，除非你食得特別慢，否則都要等等！

SPD4459_貴德宮_9 SPD4459_貴德宮_5 SPD4459_貴德宮_3

總括而言，兩間都力推中高檔素食，耐何食物質素與價錢總有落差，尤其是貴德宮，服務質素雖然好，但這個價錢就唔太值！個人建議可以一嚐，但不用多嚐！

功德林上海素食
電話：28819966
地址：銅鑼灣世貿中心10樓
參考網頁：Openrice

貴德宮皇廷素宴
電話：28386506 ／ 82003066
地址：灣仔廣生行大樓B座閣樓
參考網頁：Openrice

SPD4459 晉寶章大同刀削面

2018-03-272018-03-27 由cindyk0512撰寫, posted in 深圳飲食

想出走香港但年假又想留待用作旅行
最好的選擇莫過於北上了吧
中午輕鬆過關後，乘巴士前往南海大道看見一間大同刀削面
因為本身很鍾情於中菜，因此亳不猶豫便走進去了

åå±±è·¯ å¤§åååéºµçåçæå°çµæ

店內播放一後關於該店的介紹短片
原來此店在北京已經開設了十間分店
繼續閱讀 “SPD4459 晉寶章大同刀削面" →

SDP4459 – 歐洲窮遊飲食推薦：西班牙篇

2018-03-232018-03-23 由yukichau1016撰寫, posted in 歐洲飲食

去到歐洲，唔洗講梗係要食西餐啦！呢d大把旅遊書同blog教，我就唔特登介紹啦 😂

今次我想介紹既係Wok buffet😍😍

Wok即係鑊咁解，呢類餐廳大多數係華人係歐洲開既自助餐餐廳。

介紹呢類餐廳既原因好簡單，因為又平又多好野食，超岩各位窮遊打工仔 😋😋

其實去得歐洲好多時都係去半個月以上，叫你食足10幾日西餐係未必會食得落，wok buffet就變左一個好好既選擇。

以下既介紹係我第一間食既wok buffet，位於西班牙塞維爾既一個商場入面，過條馬路就到西維爾個主球場，食完去睇返場波就岩岩好 🤗

Address: Calle Luis de Morales, s/n, 41003 Sevilla

因為我好鍾意食刺身既關係，所以第一張相係拎晒d日本野黎食架 😂😂

大量刺身呀，壽司呀，慢慢食慢慢夾冇人同你爭 😂😂

跟住就到我既第二至愛，炸物!!!!!!

居然有13種炸物比人揀!!!!!

超多選擇 ❤️❤️❤️

跟住就到熱食啦，湯呀，粉面飯小菜樣樣都有，最驚你飽到食唔落 😊😊

哈哈，因為我係香港好少食沙律，所以當年去到歐洲沙律都唔會係我首選。但係大家下次有機會去西班牙既時候記得一定要食沙律，因為西班牙既Oliver oil溝沙律係超級好味 😍😍😍

呢個都係超重點!!!!!!!海鮮!!!!!夾完拎比師傅燒就得架啦!!!!特別推薦大家蟶子一定要食多d!!!!!!即叫即燒!!!!!又新鮮又好食😋😋😋

Cheese n ham都有得食，但貴野梗係放少d出黎😂😂

其實佢仲有個超大鑊西班牙海鮮飯，但係我想影個陣，店員同我講呢間舖係嚴禁拍攝架，所以以上既相係好珍貴拍攝出黎架😇

黎到最後既環節，甜品~

其實選擇真係好多👍👍👍

蛋糕，Jelly，Yogurt，糖……只係食甜品都飽🤣🤣🤣

講左咁耐，係時候公佈價錢啦！

呢餐飯，每人只需10個幾歐架咋，11歐都唔洗，即係唔洗百一蚊港紙都唔洗就食到呢餐飯啦 😍😍😍😍😍

其實歐洲好多呢d選擇，大家下去歐洲想食既話，係goolge map search all you can eat / wok buffet 就會搵到架啦 😊

SPD4459 價錢ok但質素一般的平民飯堂 – 101台式休閒餐廳

2018-03-222018-03-22 由smallpotatofooddiary撰寫, posted in 出街搵食

SPD4459打工仔，每日放工獨自一人，就會拖着疲累的身軀，一邊走，一邊諗下應該去邊間飯堂解決自己既晚餐，大家樂？麥記？茶餐廳？今日，就為大家介紹一間位於小西灣商場新開既食肆「101台式休間餐廳」…

通常一入舖頭，即刻就係要睇餐牌！大大個餐牌，簡簡單單幾個套餐，飯類及麵食，加上幾款飲品，一眼望哂。基本上所有主菜都係$45左右，以晚餐來說，尚算便宜！

SPD4459_101Taiwan_restuarant_3 — 大大個餐牌係收銀隔離，方便點餐

揀好就可以點餐啦～呢間鋪頭點餐方法與大家樂、大快活無異，先去售賣處比錢點餐，店員就會比個號碼牌你，然後搵位坐，侍應就會照編號送餐。

唔洗五分鐘，食物就已經送到。今次就點左一個「麻辣鹽水雞翼麵」及「板雞麻辣麻醬拌麵」！坦白講，食物質素一般。本身小編喜歡比較彈牙嘅麵條，而這間舖頭嘅麵條較為淋同埋易散，口感麻麻！味道方便就普普通通，無咩驚喜，鹽水雞翼就好似水煮雞翼嘅質感，所謂嘅麻辣亦無咩特別。事實上我之前都食過幾次，其中蕃茄牛肉麵就比較好食！牛肉味濃…

同埋我見到唔少人叫三杯雞飯，應該都係唔錯之選！