SPD4459 少少鹹卜卜脆 － 試食星加坡鹹蛋魚皮

前陣子，SPD4459成日都見到有人係 FB、IG曬「星加坡鹹蛋魚皮」有幾好食，所以小編決定一嚐究竟！經歷千辛萬苦、左托右托，花費110個大洋，終於成功到手！

打開包裝，已經被飄來的陣陣鹹蛋黃的鹹香味深深吸引，小編急不及待伸出魔爪，拿出一塊魚皮…

 

黃金誘感

 

大大塊魚皮，外包一層金黃色鹹蛋黃粉，令人垂涎欲滴，一啖咬下去，魚皮鬆脆香口，比打邊爐食的較為脆身，而外層的鹹蛋黃粉入口即溶，鹹香既味道為脆皮魚皮增添畫龍點睛的效果… 喜歡食鹹蛋黃既朋友必定愛上。

值得留意係由於魚皮本身唔可以存放太耐，空氣中既水份會讓魚皮變淋，建議買到後盡快食完。